कन्चनपुरको भीमदत्त नगरपालिकामा बलात्कारपछि हत्या गरिएकी १३ वर्षीया निर्मला पन्तको  प्रकरण अनुशन्धान गरिरहेको छानविन गरिरहेको समितिकी संयोजक डीआईजी दुर्गा सिंहको सरुवा भएको छ ।

संयोजक सिंहको सरुवा भएपछि अनुसन्धानमा अन्यौलता बढेको छ । सिंहलाई नेपाल प्रहरी शिक्षालय भरतपुरमा सरुवा गरिएको छ । गृहमन्त्रालयले गत साता सीआईबीबाट सिंहको सरुवा गरेको हो । छानबिन सुरु गर्नु अघि समितीले हालसम्म यस घटनाको अनुसन्धानमा खटिएका अधिकृतलाई बोलाएर छलफल गरेको थियो । 

समितिले हालसम्म थप ५ जनाको डीएनए संकलन गरेर परिक्षणका लागि पठाइएको छ । सिंहको नेतृत्वमा गठन भएको छानबिन समितिले कन्चनपुर पुगेर पाँचजनाको डीएनए संकलन गरेको हो । 

निर्मला पन्त बलात्कार र हत्या प्रकरणमा हालसम्म एक सयभन्दा बढीको डीएनए परीक्षण भइसकेको छ । मृतक पन्तको भेजिनव स्वाबमा भेटिएको डीएनए प्रोफाइलसँग म्याच नभएपछि यो घटना प्रहरीका लागि सबैभन्दा ठूलो चुनौती बनेको छ ।

२०७५ साउन ११ गते निर्मलाको शव स्थानीय उखुबारीमा अर्धनग्न अवस्थामा भेटिएको थियो । उनी अघिल्लो दिन साथीको घरमा जान्छु भन्दै निस्किएकी थिइन् । सीआईबी नेतृत्वको छानबिन टोलीले करिब एक महिनापछि स्थानीय दिलिपसिंह विष्टलाई अभियुक्तका रुपमा प्रस्तुत गरेपनि डीएनए नमिलेपछि उनि छुटेका थिए ।

त्यसयता डीएनए मिल्ने व्यक्तीको खोजीमा रहेको प्रहरीले कसैलाई पक्राउ गर्न सकेको छैन । त्यसयता सीआईबी र प्रहरी प्रधान कार्यालयले निरन्तर अनुसन्धान टोली परिचालन गर्दै आएको छ । 

यो पनि,

• निर्मला पन्तको हत्या प्रकरणमा कसरी जोडिए भारतीय नागरिक ?
• निर्मला पन्त हत्या प्रकरणः डिएनए परिक्षण गर्न २ जनाको रगत संकलन
• ७७ प्रहरी अधिकृत फेल भएको निर्मला पन्त हत्या प्रकरणमा डिआईजी नेतृत्वमा अर्को टोली
• रवि लामिछानेलाई पार लगाउलान निर्मला पन्त हत्या प्रकरण ? 
• गृहमन्त्री थापामाथि संग्रौलाको गम्भिर आरोप– निर्मला पन्तको हत्यामा संलग्नता

निर्मला पन्त