माघ १ गते यती एयरलाइन्सको ९एन एएनसी एटिआर–७२ विमान दुर्घटनामा मृत्यु भएका विमानका पाइलट कमल केसीको अर्धकदको शालिक निर्माण गरिने भएको छ ।

कास्किको रुपा गाउँपालिका–३ पोल्याङ निवासी केसीको स्मरणमा शालिकसहित उद्यान निर्माण गर्ने र दुर्घटनामा निधन भएका ७२ जनाको शिलालेखमा नाम समावेश गर्ने निर्णय भएको छ। पाईलट केसीलाई गाउँपालिकाले ०७८ सालमा रुपारत्न सम्मानबाट समेत सम्मान गरेको थियो ।

मङ्गलवार बसेको गाउँ कार्यपालिका बैठकले केसीको शालिकसहित उद्यान निर्माण गर्ने, शिलालेखमा नाम समावेश गर्ने र स्थानीय पाठ्यपुस्तकमा केसीका बारेमा समावेश गराउने निर्णय भएको अध्यक्ष नवराज ओझाले बताए।

पाइलट केसीको मृत्युले गाउँपालिकालाई अपूरणीय क्षति पुगेको उनको भनाई छ। केसी गाउँपालिकाको पहिलो पाइलट एवं प्रशिक्षक थिए । केसीले अमेरिकाबाट पाइलट कोर्स पढेर आएका थिए ।

उनले ०४६ सालमा नेपाल वायु सेवा निगमबाट आफ्नो पेसाको सुरुआत गरेका थिए भने पछिल्लो समय केसी यती एयरलाइन्समा आबद्ध थिए । केसीले पोखरा अन्तर्राष्ट्रिय विमानस्थल र भैरहवा अन्तर्राष्ट्रिय विमानस्थलमा पहिलो परीक्षण उडान गरेका थिए ।

माघ १ गते काठमाडौँबाट पोखरा जाँदै गरेको यती एयरलाइन्सको जहाज पोखरा विमानस्थल नजिक सेती नदीको खोँचमा दुर्घटना हुँदा ७२ जनाको निधन भएको छ । दुर्घटनामा परेकाहरूमध्ये अझै एक जनाको शव प्राप्त हुन सकेको छैन । 

यो पनि,

• यतिको विमान दुर्घटनाले चिनियाँ निर्माण कम्पनी माथि उठ्यो प्रश्न
• युगान्डाकै शैलीमा चीनको कब्जामा पुग्न सक्छ पोखरा विमानस्थल !
• खाना खान आउने वाचा गरेका पाईलट केसी कहिलै नफर्कने गरी विलाए
• दुर्घटनाको १५ दिनअघि नै पाईलट केसीले देखेका थिए यस्तो चुनौती
• ब्ल्याक बक्सको खोजी सुरु, यसरी पत्ता लाग्छ विमान दुर्घटनाको कारण
• रनवे परिवर्तन गर्न खोज्दा यसरी सेतीको खोँचमा खस्यो यतीको विमान
• पोखरा विमान दुर्घटनाः ४ जना अझै भेटिएनन्, पहिचान भएका शव जिम्मा लगाईदै
• श्रीमान प्लेन दुर्घटनामा परेपछि पाईलट कोर्ष गरेकी अञ्जु, पाईलट वन्ने अन्तिम उडानमै परिन दुर्घटनामा
• विमान दुर्घटनामा पर्नबाट भाग्यले जोगिए गायक पशुपति शर्मा
• पोखरामा रमाईलो गर्न हिडेकी गायिका निरा छन्त्याल पनि दुर्घटनाग्रस्त विमानमा
• दुर्घटनाग्रस्त विमानमा ५ भारतीयसहित १५ विदेशी नागरिक र ५३ नेपाली यात्रु रहेको पुष्टि
• जहाज दुर्घटनामा ३० जनाको शव निकालियो, सिडिओ भन्छन्– जिवित भेटिने सम्भावना छैन
• काठमाण्डौंबाट ६८ यात्रु बोकेर उडेको यतिको विमान पोखरामा दुर्घटना

यति एयरलाइन्स कमल केसी विमान दुर्घटना