नेपाली राष्ट्रिय क्रिकेट टोलीका निलम्बित कप्तान सन्दीप लामिछानेले क्रिकेट छोड्ने संकेत गरेका छन् । उनले आफनो सामाजिक सञ्जाल ट्वीटरको ‘वायो’ परिवर्तन गरेपछि क्रिकेट छोड्न लागेको संकेत मिलेको हो। 

उनले आफ्नो ट्वीटरको बायोमा ‘राष्ट्रिय क्रिकेट खेलाडी’ भनेर राखेका थिए। अहिले उक्त वायो हटाएर ‘एण्ड द स्टोरी इन्डस हियर’ भनेर राखेका छन् ।

यो वायो परिवर्तनले लामो समय नेपाली क्रिकेटमा योगदान गरेका सन्दीपले अहिले क्रिकेट नै छोड्ने मनसाय बनाएको संकेत देखिएको छ।

बिहीबार मात्र क्यानले सन्दीपलाई राष्ट्रिय टोलीमा बोलाउने कुनै योजना नभएको बताएको थियो । सन्दीप अहिले बालिका बलात्कारको मुद्दा खेपिरहेका छन् । पुर्पक्षका लागि कारागारमा रहेका सन्दीपलाई उच्च अदालतले ५ सर्तसहित २० लाख धरौटीमा थुनामुक्त गरेको थियो।