भारतको उत्तरप्रदेशमा तीन जना नेपालीको निसासिएर मृत्यु भएको छ। मजदुरी गर्न भारत गएका उनीहरुको कोठामा सुतिरहेको अवस्थामा मृत्यु भएको हो ।

उत्तर प्रदेशको मेरठमा भएको यो घट्नामा डोटीको बडिकेदार गाउँपालिका ५ लाना घर भई हाल कैलालीको गौरिगंगा नगरपालिका १ गोप्का वस्ने चन्ने भुल, उनकी श्रीमती कुमारी भुल र दुई वर्षकी छोरीको मृत्यु भएको जनाईएको छ।

भारतको मेरठमा रोजगारी गर्दै आएका आएका भुलको परिवार कोठामा कोइला (रेलमा प्रयोग हुने) बालेर सुतेको थियो। मृतकका घरमा दुई छोरी र एक छोरा रहेको आफन्त गोपी भुलले जानकारी दिए ।