इलामका प्रेमप्रसाद आचार्यले आत्मदाह गरेको घट्नामा प्रहरीले व्यवसायी तथा एनआरएनएका संस्थापक अध्यक्ष उपेन्द्र महतोसँग बयान लिएको छ । 

मंगलबार जिल्ला प्रहरी परिसर काठमाडौँले महतोसँग बयान लिएको हो । एसएसपी दानबहादुर कार्कीले महतोसँग मंगलबार बयान लिइएको पुष्टि गरे । 

आचार्यले आत्मदाहअघिको आफ्नो फेसबुक स्ट्याटसमा महतोको नाम पनि लिएको र यस विषयमा यथार्थ जानकारीका लागि प्रहरीले बयान लिएको हो । 

आचार्यले उपेन्द्र महतो र डा. समता प्रसादले नेपालमा चलाएको नेपाल ग्रामोध्योग भन्ने कम्पनीलाई आफूले प्रकृति ब्राण्डमा घ्यु बनाएर दिएको उल्लेख गरेका थिए । तर, पछि भुक्तानी दिन अनेक बहानाबाजी गरेको उनले उल्लेख गरेका छन्।

प्रहरीले यसअघि भाटभटेनी सुपर मार्केटका संचालक मिनबहादुर गुरुङसँग पनि बयान लिएको छ।

यो पनि,

प्रेमप्रसाद आत्मदाह प्रकरणः भाटभटेनीका सञ्चालन गुरुङलाई ३ घण्टा प्रहरीले ठिङ्ग्यायो