जनता समाजवादी पार्टी (जसपा)को मधेश प्रदेश संसदीय दलको नेतामा दुई जनाले उम्मेदवारी दिएका छन्। 

निर्वाचन समितिका संयोजक लालकिशोर साहका अनुसार दलको नेताका लागि लालबाबु राउत र सरोजकुमार यादवको उम्मेदवारी परेको छ । रामआशिष यादवले पनि उम्मेदवारी दिने भनेपनि अन्तिम समयमा पूर्वसभामुख समेत रहेका सरोजकुमारलाई समर्थन गरेका छन् ।

जसपाका १६ प्रदेशसभा सदस्य छन् । संसदीय दलको नेता चुनिने ब्यक्ति नै मधेश प्रदेशको मुख्यमन्त्रीको उम्मेदवार बन्नेछन् ।

मधेश प्रदेश सरकारको नेतृत्व जसपा र जनमत पार्टीले आलोपालो गर्ने सहमति सत्ता साझेदार दलका शीर्ष नेताहरुमा भएको छ । यो सहमति अनुसार पहिलो चरणमा जसपाले सरकारको नेतृत्व गर्ने छ ।