युक्रेन युद्धले राष्ट्रहरूलाई बढ्दो ऋणमा पुर्यायो : श्रृङ्ला
नयाँ दिल्ली । युक्रेन द्वन्द्व दोस्रो वर्षमा प्रवेश गर्दा भारतले जी२० शिखर सम्मेलनमा 'प्रतीकात्मक होइन, वस्तुगत' नतिजामा केन्द्रित हुने मुख्य संयोजक हर्ष श्रृङ्लाले बताएका छन्।
रुसी राष्ट्रपति भ्लादिमिर पुटिनले सेप्टेम्बरमा तय भएको शिखर सम्मेलनलाई छोड्न सक्ने सम्भावित संकेतमा अधिकारीहरूले पुटिनले यस वर्षको जुनमा हुन लागेको सांघाई सहयोग संगठन (एससीओ) शिखर सम्मेलनका लागि भारत भ्रमण गर्ने बताएका छन्।
पुटिनले सन् २०२१ मा इटाली र २०२२ मा इन्डोनेसियामा भएको जी२० शिखर सम्मेलनमा पनि सहभागी भएका थिएनन्।
'मलाई लाग्दैन कि प्रतीकात्मक कुराले महत्व राख्छ,' पूर्व विदेश सचिव र पूर्व अमेरिकी राजदूत रहेका श्रृङ्लाले सबै जी-२० राष्ट्रका प्रमुखहरु सहभागी हुनेछन् भन्ने कुरामा हामी विश्वस्त रहेको बताए।
संयुक्त फोटो अवसरको व्यवस्था गर्न कठिनाइहरूको बारेमा सोध्दा भने, 'महत्वपूर्ण कुरा यो हो कि एक समूहको रूपमा हामी समाधानहरू प्राप्त गर्न प्रयास गर्छौं। जुन आज संसारमा धेरै आवश्यक छ। कुनै नेताको विशिष्ट उपस्थितिमा टिप्पणी गर्न यो धेरै चाँडो हुन्छ।'
उनले पछिल्लो दुई वर्षदेखिको युक्रेन युद्धले गर्दा युरोपियन मुलुकहरु ऋणमा फस्दै गएको र विभिन्न आर्थिक समस्याहरु सिर्जना भएको बताएका छन्। उनले युक्रेन युद्ध अन्त्य गर्दै विश्व शान्तिका लागि अघि बढ्नुपर्नेसमेत बताएका छन्।
