क्रिकेट समर्थकहरुले आज त्रिवि मैदानमै सन्दीप लामिछानेको पक्षमा नारावाजी गरेका छन् । नेपाल र स्कटल्यान्डको खेल चलिरहँदा समर्थकहरुले सन्दीपको पक्षमा नाराबाजी गरेका हुन् ।

सन्दीपलाई नेपालको यूएइ भ्रमणमा समावेश गर्न माग गर्दै उनिहरुले नाराबाजी गरे। आजको खेलामा नेपालका लागि सन्दीपले फेरि एकपटक उत्कृष्ट प्रदर्शन गरेपछि नारावाजी सुरु भएको हो । उनले १० ओभर बलिङ गर्दा चार विकेट लिन सफल भए । यो प्रतियोगितामा उनको विकेट संख्या १३ पुगेको छ ।

सन्दीपका प्रत्येक विकेटमा समर्थकहरुले सेलिब्रेसन गरेका थिए । त्यससँगै उनीहरुले ‘सन्दीपलाई दुबइ लग’ भन्दै नारावाजी गरेका हुन् । नेपाली टिम आगामी १३ गते विश्वकप लिग २ को अर्को त्रिकोणात्मक श्रृंखला दुबइ जाँदैछ । सन्दीपलाई अदालतले विदेश भ्रमणमा रोक लगाएकाले उनी यूएइ जान पाउँदैनन् ।

तर, सन्दीपको अनुपस्थितिमा नेपालको बलिङ कमजोर हुने भन्दै फ्यानहरुले उनलाई यूएइ लैजानुपर्ने माग गरेका हुन् । सामाजिक सञ्जालमा पनि धेरैले यस्तो माग गरिरहेका छन् । 
 

सन्दीप लामिछाने