नागरिक्ता रद्द भएपछि गृहमन्त्री पद गुमाएका रवि लामिछानेले अझैसम्म सरकारी क्वाटर छोडेका छैनन्। गत शुक्रबार सर्वोच्च अदालतको आदेशपछि उनले उपप्रधानमन्त्री तथा गृहमन्त्री र सांसदको पद गुमाएर सामान्य नागरिक बनेका छन्।

तर, उनले अझै सरकारी निवास छाडेका छैनन् । फेरि मन्त्री बन्न कसरत गरिरहेकाले उनले क्वाटर नछोडेको रास्वपाका एक नेता बताउँछन् । 

शुक्रबार नागरिकता प्रकरणमा सर्वोच्चले उनी सांसद हुन अयोग्य रहेको आदेश दिएसँगै उनका सबै पद गएका थिए । त्यसै दिन रवि स्वयमले प्रधानमन्त्री पुष्पकमल दाहाललाई भेटेर मन्त्री पदबाट राजीनामा पनि बुझाएका थिए ।

पद गएको बिहिवार एक साता वितिसक्दा पनि ललितपुरको हरिहर भवनस्थित सरकारी निवास उनले छाडेका छैनन् ।

सञ्चारकर्म छाडेर राजनीतिमा आउनुअघि लामिछाने नेपाली नेताहरूलाई उग्र रुपमै नैतिकताको पाठ सिकाउने गर्थे । तर आफैँ अहिले नेता बनेपछि उनले नैतिकताका सबै सीमा रेखा तोडेका छन् ।

उनी अहिले गैरसांसद व्यक्ति पनि मन्त्री बन्न सक्ने संवैधानिक व्यवस्थाअनुसार फेरि गृहमन्त्री बन्न दौडधुप गरिरहेका छन् । जबकी उनी टेलिभिजनमा काम गर्दा गैरसांसद मन्त्री हुँदा तिव्र आलोचना गर्थे।

अर्कोतर्फ नागरिकता प्रकरणको आदेशको पूर्णपाठ पनि आइसकेको छैन। यसैगरी निष्क्रिय नागरिकता प्रयोग गरी दोहोरो राहदानी लिएको विषय अझै बाँकी छ । तर, पनि उनले मन्त्री मन्ने हठ अझै छोडेका छैनन्। वरु बालकोट धारएर प्रधानमन्त्री पुष्पकमल दाहालमाथि दवाव वढाउने प्रयास गरिरहेका छन् । 
 

रवि लामिछाने सरकारी क्वाटर