युएई (संयुक्त अरब इमिरेट्स) मा भइरहेको ‘गल्फ फुड एक्स्पो–२०२३’ मा एसियन थाई फुड्सले उत्पादन गरेको नौलो खाद्यसामग्री ‘नेपालीटाना पास्ता नुडल्स’ लन्च गरिएको छ । युएईका लागि नेपाली राजदूत कृष्णप्रसाद ढकालले यसलाई लन्च गरेका हुन् ।

‘नेपालटाना’ पास्ता र नुडल्सको मिश्रित स्वरूप हो। उनका अनुसार थाई फुड्सका उत्पादनलाई बेलायत, अस्ट्रेलिया र मध्यपूर्वका अवलोकनकर्ताले मन पराएका छन। नेपालका उत्पादन भनेपछि उनीहरूले विशेष आकर्षण, चाख र चासो राखेर हेरिरहेका छन् । 

उद्योगी महेश जाजूका अनुसार एक साताभित्र नेपालमा यसको बजारीकरण तिव्र पारिने छ। नेपाली उत्पादनलाई एक्सपोको स्टलसम्म पुर्याउन एशियन थाइ फुड्सले ४० लाखभन्दा बढी खर्च गरेको जनाईएको छ ।  

नेपालका उत्पादन पनि अन्तर्राष्ट्रिय स्तरका छन् । तर तिनलाई बजारीकरणको खाँचो रहेको जाजूले वताए। 

गल्फ फुड एक्स्पोमा नेपालटानाका साथै तीन उद्योग सहभागी छन्। एक्स्पोमा रमपम र टुपिएम चाउचाउको उत्पादक एसियन थाई फुड्स, एसियन बिस्कुट एन्ड कन्फेक्सनरी र गुडलाइफ बेभरेज गरी तीन उद्योगले आ–आफ्ना स्टल राखेर सहभागी भएका हुन् ।