राष्ट्रपति निर्वाचनका कारण फेरिएको राजनीतिक समिकरणपछि संसदको चौंथो ठूलो दल राष्ट्रिय स्वतन्त्र पार्टी (रास्वपा) तर्फ सवैको नजर छ। तर, रास्वपाले पछिल्लो प्रकरणमा कुनै निर्णय लिएको छैन ।

राष्ट्रपतिको चुनाव तथा गठबन्धन फेरबदलका विषयमा कुनै धारणा बनि नसकेको पार्टीका उपसभापति डोलप्रसाद अर्यालले बताए । रास्वपाले गृहमन्त्रीको विवादपछि सरकारबाट हट्ने निर्णय लिएको थियो, तर सरकारलाई दिएको समर्थन फिर्ता लिएको छैन ।

प्रधानमन्त्री पुष्पकमल दाहालले अहिलेको गठबन्धन भत्काएर नयाँ बनाउन अग्रसर भएपछि त्यसमा जाने÷नजानेमा रास्वपा ‘पर्ख र हेर’ को अवस्थामा रहेको छ । यी समसामयिक विषयमा छलफल गर्न पार्टीको केन्द्रीय समिति बैठक सोमवार बोलाइएको अर्यालले जानकारी दिए ।

‘हामी हतारिएर निर्णय लिने पक्षमा छैनौँ । विकसित घटनाक्रमहरूलाई नजिकबाट नियालिरहेका छौँ’ उनले भने–‘पर्सिको बैठकपछि हाम्रो आधिकारिक धारणा आउँछ।’ हालको गठबन्धनमा रहेकामध्ये नेकपा एमालेले तत्काल सरकारबाट नहट्ने र यही गठबन्धन जोगाउन पहल गर्ने निर्णय लिएको छ ।

उसले पुस १० को सहमति माओवादीले पालना गर्ने अपेक्षासहित सुभाष नेम्वाङलाई राष्ट्रपतिको उम्मेदवार बनाएको छ । अर्को सत्तारुढ घटक राप्रपाले भने केन्द्रदेखि प्रदेशसम्मका सरकारबाट हट्नुका साथै सरकारलाई दिएको समर्थनसमेत फिर्ता लिइसकेको छ ।

राष्ट्रपतिको चुनावमा कुनै उम्मेदवारको प्रस्तावक वा समर्थक नबस्ने पनि पार्टीले निर्णय गरेको थियो । रास्वपा र राप्रपा अहिलेको सत्तारुढ दल नेकपा एमालेसँग निकट मानिन्छन् । 
 

राष्ट्रपति रवि लामिछाने