पूर्वप्रधानमन्त्री तथा नेकपा (एकीकृत समाजवादी) का सम्मानित नेता झलनाथ खनालले सरकारबाट फेरी २० लाख रुपैयाँ सहायता लिएका छन् ।

उपचारको लागि भन्दै सरकारले खनाललाई सहायता रकम दिएको हो । अर्थ मन्त्रालयका अनुसार मन्त्रिपरिषद्को गत भदौ ३१ गतेको निर्णयबमोजिम खनललाई रकम निकासा गरिएको हो ।

पूर्वप्रधानमन्त्री खनाललाई दिईएको यो रकम पूर्वविशिष्ट व्यक्तिको हैसियतमा दिइँदै आएको सुविधाबाहेक हो । खनालसहित पूर्वप्रधानमन्त्रीहरूले सरकारबाट गाडी, इन्धन, चालक, सुरक्षाकर्मी, अगुवा÷पछुवा गाडीलगायत सुविधा लिँदै आएका छन ।

यसअघि खनालले उपचार गराउने नाममा सरकारबाट ८० लाख रुपैयाँ लिएका थिए । उनकै नाममा खोलिएको प्रतिष्ठानमार्फत सर्लाहीमा सर्प पाल्न सरकारले खनालको नाममा रहेको प्रतिष्ठानलाई मोटो रकम दिएकोमा विरोध भएको थियो ।

सरकारी ढुकुटीबाट नेता र आसेपासेलाई रकम बाँड्ने क्रम रोक्न २०७९ जेठ ३१ मा मन्त्रिपरिषद्ले नयाँ मापदण्ड जारी गरेपनि त्यसको ३ महिना बित्न नपाउँदै मन्त्री परिषदले खनाललाई यसरी रकम दिने निर्णय गरेको हो।
 

झलनाथ खनाल उपचार खर्च सर्प पाल्न