केन्यामा प्राथमिक विद्यालयका विद्यार्थीले सजायस्वरूप यौन सम्बन्धको नक्कल गरेको भिडियो भाइरल भएको छ। यसमा संलग्न रहेको आरोपमा ६ जना शिक्षकलाई पक्राउ गरिएको छ।

भिडिओमा विद्यालयको पोसाकमा रहेका चार जना केटाहरूले विद्यालय परिसरको रूखमुनि यौन क्रियाकलापको नक्कल गरिरहेको देखाइएको छ । 

२९ सेकेन्ड लामो उक्त क्लिपको पृष्ठभूमिमा यी ६ जना गफ गरिरहेको र एक नाङ्गा बालकले आफ्नो अनुहारबाट आँसु पुछ्दै गर्दा हाँस्दै गरेको सुनिन्छ । राजधानी नैरोबीबाट करिब तीन सय किलोमिटर टाढापर्ने न्यामाचे भन्ने ग्रामीण सहरमा ‘विद्यालयका विद्यार्थीहरूलाई अशोभनीय कार्यको पर्दाफास गरेको’ भिडियो रेकर्ड गरिएको प्रहरीले जनाएको छ । 

एएफपीलाई प्राप्त एक रिपोर्टमा प्रहरीले पाँच महिला र एक पुरुष गरी छ जना शिक्षकलाई पक्राउ गरिएको र अनुसन्धानमा सहयोग गरिरहेको जनाएको छ । यस घटनाले केन्याली सामाजिक सञ्जालमा आक्रोश पैदा गरेको छ र धेरैले रूढीवादी, इसाई राष्ट्रमा कारबाहीको माग गरेका छन् । 

शिक्षामन्त्री इजकिएल माचोगुले शिक्षकहरूलाई अनुशासनको कारबाही गरिने र दोषी पाइएमा बर्खास्त गरिने बताएका छन् । केन्याको यौन अपराध ऐनअनुसार अर्को व्यक्तिलाई अशोभनीय कार्य गर्न बाध्य पार्ने व्यक्तिलाई कम्तीमा पाँच वर्षको जेल सजाय हुनसक्छ ।