रविको बचाउमा ओलीः रवि लामिछानेले ढोका खुला देखेर फुत्त पसेको होइन
नेकपा एमालेका अध्यक्ष केपी शर्मा ओलीले रवि लामिछानेको नागरिक्ताले कस्लाई हानी गर्यो ? भन्दै संसदमा प्रश्न उठाएका छन् ।
प्रतिनिधि सभाको आइतबार बैठकमा विशेष समय लिएर बोलेका उजुरीकर्तालाई के मर्का प¥यो र उजुर गर्न गए भन्ने आफूले नबुझेको बताए । रविको सांसद पद खारेज गर्ने सर्वोच्च अदालतको फैसलामाथि प्रश्न उठाएका उनले ‘यो फैससलाले कसलाई न्याय भयो भन्ने बुझ्न नसकेको’ बताए ।
रविको नागरिक्ता प्रकरणमा असम्बन्धित व्यक्तिले निवेदन दिएको उनको दाबी छ । संविधान र कानुन उल्लंघन भए रोक्नुपर्ने, तर एउटा नागरिक राज्यको प्रहारको विषय हुन नहुने ओलीले बताए । ‘रवि लामिछानेले ढोका खुला देखेर फुत्त पसेको होइन’ उनले भने–‘निर्वाचन आयोगले उम्मेदवार हुन पाउछ भनेर सदर गरेको र चुनाव लड्दा अत्याधिक मतले आफ्नो प्रतिनिधि छानेको हो ।’
प्रक्रियागत त्रुटि देखाएर सर्वोच्च अदालतले फैसला गरेको भन्दै उनले ‘त्यतिमा सांसद पद गयो, पार्टी अध्यक्ष गयो, गृहमन्त्री गयो, उपप्रधानमन्त्री गयो । धेरै चिजमा धक्का भयो ।’ भन्दै असन्तुष्टि जनाए । ‘न्याय भयो कि भएन ? रविजीलाई न्याय भएन भने कसले पायो न्याय ?’– उनले भने।
