बालिका बलात्कार आरोपमा केदी दिन कारागार वसेर धरौटीमा रिहा भएका सन्दीप लामिछानेसहितका राष्ट्रिय क्रिकेटरहरुसँग पाकिस्तानी क्रिकेटरले भेटेका छन् ।

पाकिस्तानी विकेटकिपर ब्याटर मोहम्मद रिजवानले नेपाली क्रिकेटरसँग भेट गरेका हुन। आइतबार बेलुकी नेपाल आइपुगेका उनले सोमबार बिहान राष्ट्रिय क्रिकेट टिमका खेलाडीलाई भेटेका हुन् । 

रिजवानले नेपाल क्रिकेट संघ क्यानका अध्यक्ष चतुरबहादुर चन्दलाई भेट्दै नेपाली क्रिकेटका बारेमा छलफल गरेका थिए । आफूहरुबीच निकै छोटो अनौपचारिक भेट भएको अध्यक्ष चन्दले जानकारी दिएका हुन् ।

रिजवानले नेपाली लेग स्पिनर सन्दीप लामिछानेलाई भेट्ने मनासाय आफूसँग राखेको चन्दले बताए । सन्दीप बाहिर जान नपाउने भएकाले उनलाई भेट्न आएको रिजवानले बताएका थिए।

बलात्कार आरोप लागेका सन्दीप विदेश जान नपाउने शर्तसहित अदालतको आदेशमा धरौटीमा छुटेका छन् र उनलाई क्यानले राष्ट्रिय टिममा समावेश गरेको छ ।

निक्कै छोटो समयका लागि नेपाल आएका रिजवान आजै १२ बजे फर्किएका छन् ।