सप्तरीको शम्भुनाथ नगरपालिकाका मेयर जितेन्द्रप्रसाद गुप्ता कलवारसहित दुई जना विरुद्ध विशेष अदालतमा मुद्दा दायर भएको छ। अख्तियार दुरुपयोग अनुसन्धान आयोगले उनी विरुद्ध मुद्दा दायर गरेको हो।

सेवाग्राहीसँग १ लाख ४० हजार रुपैयाँ मागेको पुष्टि भएपछि नगर प्रमुख गुप्ता र इन्जिनियर रामचन्द्र साहविरुद्ध भ्रष्टाचार मुद्दा दायर भएको हो।

विद्यालय सभाहल निर्माणको अन्तिम बिल भुक्तानी प्रयोजनका लागि उनले घुस मागेको अख्तियारका प्रवक्ता भोला दाहालले जानकारी दिए । ३ माघमा अख्तियारले घुस लिएको अवस्थामा इन्जिनियर साहलाई पक्राउ गरेको थियो ।

अनुसन्धानको सिलसिलामा मेयर गुप्ता र इन्जिनियर साहको मिलेमतो पुष्टि भएपछि दुबै जनाविरुद्ध भ्रष्टाचार मुद्दा चलाएको अख्तियारको भनाइ छ । 

मेयर साह नेकपा एकीकृत समाजवादीका तर्फबाट चुनाव लडेर निर्वाचित भएका हुन। उनले नेपाली कांग्रेसका उम्मेदवार दीपेन्द्रकुमार चौधरीलाई पराजित गरेका थिए । 
 

जितेन्द्रप्रसाद गुप्ता कलवार शम्भुनाथ नगरपालिका