भारतीय गायक हनी सिंह काठमाण्डौं आउँदै
भारतीय चर्चित गायक हनी सिंह २५ चैतमा काठमाडौं आउने भएका छन् । बौद्धस्थित एक सांगीतिक कार्यक्रममा सहभागी हुने उनी नेपाल आउन लागेका हुन।
उनको कार्यक्रमको टिकटका सबै मूल्यसम्बन्धी जानकारी ई–सेवामा राखिएको सांगितिक कार्यक्रमको आयोजनक युनिफाई नेपालका रविन श्रेष्ठले जानकारी दिए ।
टिकटकको १ हजारदेखि माथि र भीआईपी टिकटको २ हजार रुपैयाँभन्दा बढी हुन सक्नेछ । अहिले सम्पूर्ण टिकटको मूल्य निश्चित भइसकेको छैन। प्रि बुकिङका लागि सम्पूर्ण टिकट ई–सेवाबाट प्राप्त गर्न सकिने उनले वताए ।
सिंहका गीत ब्लु आइज, धिरेधिरे र चार बोतल भोड्कालगायतका गीतहरू चर्चित छन् । उनले नेपालमा हुने सांगीतिक कार्यक्रममा आफ्ना चर्चित गीतहरूको प्रस्तुति दिने श्रेष्ठले जानकारी दिए ।
सिंह भारतमा संगीत कम्पोजर, ¥यापर, गायक, गीतकार र अभिनेताका रूपमा समेत परिचित छन् । उनले सन् २००३ देखि रेकर्डिङ कलाकारको रूपमा आफ्नो करियर सुरु गरेका थिए । उनी सांगीतिक क्षेत्रमा लागेपछि भांग्रा र हिपहप गीत पनि गाएका छन् ।
सिंहले बलिउडका लागि पनि गीत गाएका छन् ।
