एक नाबालिगलाई यौन दुर्व्यवहार गरेको आरोपमा उनका भाई (मामाको छोरा) लाई कास्की प्रहरीले नियन्त्रणमा लिएको छ। 

१४ वर्षकी पीडत बालिकाले भाइबाट  दुर्व्यवहार भएको भन्दै टिकटकमा भिडियो पोस्ट गरेकी थिइन् । उनको भिडियो केही दिनदेखि भाइरल भइरहेको छ । बालिकाले प्रहरीमा जाहेरीसमेत दिएपछि प्रहरीले पक्राउ गरेको हो । प्रहरीले बालिकाका अभिभावकसँग जिल्ला प्रहरी कार्यालय कास्कीले सम्पर्क गरेको छ ।

बालकलाई नियन्त्रणमा लिएर आजै बालयौन दुरुपयोग सम्बन्धी मुद्दामा कास्की जिल्ला अदालतबाट म्याद थप भई अनुसन्धान कार्य अगाडि बढाइएको प्रहरीले जनाएको छ । आरोपी नावालिग भएकाले उनीमाथिको कारबाहीको विषयमा अस्पष्टता देखिएको प्रहरी स्रोतले बतायो ।