तत्कालिन प्रधानमन्त्री केपी शर्मा ओलीले २ वर्षअघि नै उद्घाटन गरेको काठमाडौंको सुन्धारास्थित निर्माणाधीन धरहरा पुनर्निर्माणको काम अझै सकिएको छैन। थिए । पुनर्निर्माण नसकिँदै उद्घाटन गरेपछि ओलीको चर्को आलोचना भएको थियो ।

ओलीले जस लिनकै लागि ०७८ वैशाख ११ गते उदघाटन गरेको धरहराको पुनर्निमाणका लागि पाँचौँपटक म्याद थप्ने तयारी भईरहेको छ। निर्माण कम्पनी जीआईईपीसी–रमन–कन्ट्रक्सनले पाँचौँपटक म्याद थपको माग गरेको छ । ठेकेदार कम्पनीको ढिलासुस्तीका कारण पुनर्निर्माणको काम कहिले सकिने भन्ने टुंगो लागेको छैन ।

ठेकेदार कम्पनीका प्रोजेक्ट म्यानेजर सञ्जय नकर्मीले म्याद थपका लागि माग गरिएकाले पुनर्निर्माणबारे अहिले बोल्न नमिल्ने बताए । पाँचौँपटक म्याद थप गर्नका लागि सहरी विकास तथा भवन निर्माण विभाग अन्तर्गतको केन्द्रीय आयोजना कार्यान्वयन एकाइ भवन तथा आवास कार्यालयलाई निवेदन दिइसकिएको उनले वताए ।

पुनर्निर्माण नसकिँदै धरहराका जडान गरिएका लिफ्ट पनि जीर्ण बन्दै गएका छन् । धरहराको तल–माथि आवतजावत गर्न जडान गरिएका दुवै लिफ्ट जाम भएका छन् ।

०७२ साल वैशाख १२ को भूकम्पले धरहरा क्षतिग्रस्त बनेको थियो । त्यसपछि ०७२ फागुन ४ गते धरहरा पुनर्निर्माणका लागि तत्कालीन प्रधानमन्त्री ओलीले ‘मेरो धरहरा, मै बनाउँछु’ अभियान चलाएका थिए । 

त्यसपछि ०७५ पुस ५ गते ओलीले धरहराको शिलान्यास गरेका थिए । धरहरा पुनर्निर्माणको काम अहिलेसम्म वित्तीयतर्फ ७० प्रतिशत र भौतिकतर्फ ८० प्रतिशत मात्रै सम्पन्न भएको ठेकेदार कम्पनीले जनाएको छ । 

ठेकेदार कम्पनीका अनुसार अहिलेसम्म धरहरा पुनर्निर्माणमा दुई अर्ब १२ करोड रुपैयाँ खर्च भइसकेको छ । राष्ट्रिय पुनर्निर्माण प्राधिकरणको नेतृत्वमा धरहरा पुनर्निर्माणका लागि तीन अर्ब ४८ करोड रूपैयाँमा ठेक्का सम्झौता भएको थियो । सम्झौताबमोजिम ०७७ सालमै पुनर्निर्माण सकिनुपर्ने थियो । तर, कोरोना महामारीलगायतलाई कारण देखाउँदै पटकपटक म्याद थप हुँदै आएको छ ।  
४२ रोपनी क्षेत्रफलमा फैलिएको धरहरा बाहिरबाट हेर्दा ११ तलाको देखिएपछि भित्रबाट २२ तलाको छ । काठमाण्डौं महानगरपालिकाका मेयर बालेन्द्र साहसहित कतिपय स्थानीयवासीले यो धरहराको आलोचना गर्दै आएका छन् ।

जस लिनका लागि ओलीले धरहरा पुनर्निर्माण गराएर देशलाई आर्थिक भार थपेको धेरैको वुझाई छ। अरवौं रुपैयाँ खर्च गरेर पनि समयमा निर्माण कार्य नसकिदा धरहरा र ओलीप्रतिको आक्रोश वढ्दै गएको छ।

धराहरा