चिनियाँ टेक्नोलोजी कम्पनी बाइटेन्सको स्वामित्वमा रहेको ‘टिकटक एप’ले विश्वमै प्रतिवन्धको सामना गरिरहेको छ। ठुला र चर्चित देशहरुले यो एपलाई आफ्नो देशमा चलाउन नपाउने गरी वन्द गराई सकेका छन् ।

नेपालमा भने लोकप्रिय वन्दै गएको टिकटक उत्तर अमेरिका, युरोप र एशिया–प्रशान्तका धेरै देशले गोपनीयता र साइबर सुरक्षा चिन्ता देखाउँदै वन्द गराएका हुन। टिकटकले प्रयोगकर्ताको डेटा सङ्कलन गरेको आरोप लागिरहेको छ।

अफगानिस्तानको तालिबान नेतृत्वले युवाहरूलाई ‘भ्रमित पारेको’ भन्दै सन २०२२ मा टिकटक र पबजीलाई प्रतिबन्ध लगाएको छ भने, बेल्जियमले साइबर सुरक्षा, गोपनीयता र गलत जानकारीको चिन्ता गर्दै टिकटकलाई प्रतिबन्ध लगाएको छ। क्यानड र डेनमाकमा पनि टिकटक प्रतिवन्धित छ।

यसैगरी, युरोपेली संसद, युरोपेली आयोग र ईयू काउन्सिल, २७ सदस्यीय ब्लकका तीन प्रमुख संस्थाहरूले कर्मचारीको उपकरणहरूमा टिकटकमा प्रतिबन्ध लगाएका छन्। भारतले सन् २०२० मै गोपनियता र सुरक्षाको चिन्त गर्दै टिकटक, विच्याट लगायतका दर्जनौं चिनियाँ एपहरूमा राष्ट्रव्यापी प्रतिबन्ध लगाएको छ।

विवादित हिमाली सीमामा भारतीय र चिनियाँ सेनाबीच भएको झडपमा २० भारतीय सैनिकको मृत्यु र दर्जनौं घाइते भएपछि यो प्रतिबन्ध लगाइएको हो। न्यूजील्याण्डका सांसदहरू र संसदका कर्मचारीहरूलाई टिकटक चलाउन प्रतिवन्ध छ।

नर्वे, ताइवान, युनाइटेड किंगडम र संयुक्त राज्य अमेरिका पनि टिकटक प्रतिवन्ध लगाउने देशहरु हुन। आश्चर्यको कुरा त के छ भने चीनको निगाहमा वाँचिरहेको पाकिस्तानले समेत टिकटकमा प्रतिवन्ध लगाएको छ।

टिकटकले अनैतिक सामग्रीलाई बढावा दिएको भन्दै पाकिस्तानले २०२० देखि कम्तीमा चार पटक टिकटकमाथि प्रतिबन्ध लगाएको छ। 

टिकटक