मेडिकल व्यवसायी दुर्गा प्रसाईंले झापाबाट सुरु गरेको अभियानमा राप्रपा नेपालका अध्यक्ष कमल थापा पनि जोडिएका छन् । प्रसाईको अभियानमा ऐक्यवद्धता जनाउँदै सहयोगका लागि कार्यकर्तालाई निर्देशन दिएपछि थापा पनि अभियानमा जोडिएका हुन।

राजसंस्थाको समर्थनमा सुरू गरेको प्रसाईको महाअभियानमा आफ्ना पार्टीका नेता–कार्यकर्तालाई सहयोग गर्न थापाले निर्देशन दिएका छन् ।

पूर्वराजपरिवारका सदस्यहरुलाई उतारेर व्यवसायी प्रसाईंले गत फागुन १ गते मेचीपुलबाट महाअभियानको उद्घाटन गरेका थिए । हालै पत्रकार सम्मेलन गरी उनले ०४७ सालको संविधान ब्यूँताउनुपर्ने लगायतका माग राखेर आन्दोलन नै गर्ने घोषणा गरेका छन् ।

नयाँ बानेश्वरमा प्रेमप्रसाद आचार्यले आत्मदाह गरेकै स्थानबाट फागुन २० गते आन्दोलन सुरू गर्ने उनको भनाइ छ । राप्रपा अध्यक्ष थापाले सनातन धर्म संस्कृतिको रक्षाका निम्ति हुने कार्यमा राप्रपा नेपालको सदैव सहयोग र ऐक्यवद्धता रहने उल्लेख गरेका छन् ।

उनले सामाजिक सञ्जालमा लेखेका छन्, ‘फागुन २० गते काठमाडौंको वानेश्वरमा ‘राष्ट्रियता, धर्म र संस्कृति बचाउने महाअभियान’ द्वारा आयोजित सभा सफल पार्ने काममा सहयोग गर्न राप्रपा नेपालका साथीहरूलाई आह्वान गर्दछु ।’

यो पनि,

• दुर्गा प्रसाईँको ‘कालोमोसो अभियान’मा किन वढ्दैछ जनसमर्थन ?

दुर्गा प्रसाई कमल थापा