घुस प्रकरणमा मुछिएका रास्वपका सांसद ढाकाकुमार श्रेष्ठले आफुलाई कारवाही गरे मन्त्री बनाउन पैसा माग्ने कोर टिमको खुलासा गर्ने धम्की दिएका छन्। अडियो टेपको छानबिन गर्न गठित पार्टीको अनुशासन तथा आचरण समितिलाई मंगलवार एक घण्टा बयान दिएका उनले सोही क्रममा यस्तो चेतावनी दिएका हुन ।

बयानका क्रममा उनले आफूलाई फसाउन षड्यन्त्र भएको र यस्तो बेला पार्टीले सहानुभूति राख्नुपर्ने जिकिर गरेका थिए । ‘अप्ठ्यारो परेका बेला मलाई एक्लो पारिए कोर टिमका बारेमा सार्वजनिक रूपमा बोल्न बाध्य हुनेछु’ भन्दै धम्की दिएको समितिकै सदस्यले खुलासा गरेका छन्।

श्रेष्ठ मेडिकल व्यवसायी दुर्गा प्रसाईंसँग २ करोड घूस मागेको अडियो सार्वजनिक भएपछि विवादमा परेका छन। समितिका पदाधिकारीहरूले अडियोमा भनिएजस्तो ‘कोर टिम’ के हो ? त्यसमा को–को छन् र त्यसले कसरी काम गर्छ लगायतका प्रश्न गरेका थिए।

तर श्रेष्ठले त्यसको जवाफ दिएनन्। वरु सार्वजनिक रुपमा वताउने वताएको उनीहरुको भनाइ छ । श्रेष्ठले पार्टी सभापतिलगायत कसैको विषयमा केही नबोलेको पनि ती सदस्यले बताए । समितिले मंगलबार नै पार्टी नेतृत्वलाई प्रतिवेदन बुझाएको छ ।

समिति सदस्यसमेत रहेका अधिवक्ता यज्ञमणि न्यौपानेले पनि चार पृष्ठको प्रतिवेदन पार्टी सभापतिलाई बुझाएको पुष्टि गरे । रास्वपाको अनुशासन तथा आचरण समितिको संयोजक भरतमणि देवकोटा हुन ।

गत, माघ १ मा प्रसाईंसँगको फोन संवादमा श्रेष्ठले पार्टीभित्र पैसा माग्ने कोर टिम रहेको बताएका थिए। २ करोड दिए कोर टिमले आफूलाई मन्त्री बनाउने तत्काल १ करोड दिइहाल्नुपर्ने भन्दै उनले प्रसाईंसँग भविष्यमा काम गरिदिने भन्दै पैसा मागेका थिए । 
यो पनि,

• आफनो पनि अडियो सार्वजनिक हुने आशंकाले विचलित रवि लामिछाने !
• विको रास्वपा: ‘लिङ्ग नछुट्टीएको जेब्रा’, घोडा र गधा जे भनेपछि हुने
• ढाकाकुमारको कारवाही रोक्न ‘कोर टिम’ सकृय, यि हुन पर्दा पछाडिका खेलाडी
• ढाकाकुमार प्रकरणमा अर्को अडियोः यसरी हुँदैछ खुरापात
• दुर्गा प्रसाई र ढाकाकुमार प्रकरणमा अख्तियारले थाल्यो अनुशन्धान
• मेयरको सपना त्यागेर सांसद बनेका ढाका, मन्त्री किन्ने योजनामा प्रसाईसँग यसरी मिल्यो टाँका
• दुर्गा प्रसाई र ढाकाकुमारको अडियो बारे सरकारले छानविन गर्ने
• कसरी सार्वजनिक भयो दुर्गा प्रसाई र ढाकाकुमारको ‘२ करोड’ को अडियो ?
• डा. गोविन्द केसीको मृत्यु पर्खेर वसेका छन् रवि लामिछानेका सांसद!
• को–को छन् रविका लागि पैसा उठाउने कोर टिममा ?
• ढाकाकुमार भन्छन्– अडियो मेरो होईन, दुर्गा प्रसाईलाई म चिन्दा पनि चिन्दिन
• घुस प्रकरणले रवि नै चुनाव हार्ने भएपछि श्रेष्ठ निलम्विन, चुनावपछि फुकुवा
• यस्तो छ रास्वपा र दुर्गा प्रसाईको कनेक्सनः २ करोड माग्ने सांसद निलम्वित

रवि लामिछाने दुर्गा प्रसाई रास्वपा ढाकाकुमार श्रेष्ठ