साथीसँग खेल्न गएको पोखराका एक बालक सेती खोंचमा खसेका छन् । पोखरा ८ नागढुंगाका १२ वर्षीय स्मिथ पराजुली सेती खोंचमा खसेको प्रहरीले जनाएको छ।

साथीसँग मिलेर खेल मैदानमा जाँदै गर्दा उनी खोंचमा खसेको वडा प्रहरी कार्यालय रामबजारका इन्स्पेक्टर माधव केसीले बताए । 

पोखरा १५ स्थित हरियो खर्कको खेलमैदानमा जाँदै गर्दा सेती नजिकैको भ्वाङमा परेको केसीको भनाई छ। 

दिउँसो ३ बजेको समय खोंचमा खसेपछि जिल्ला प्रहरी कार्यालय कास्कीको उद्धार टोलीले स्मिथको खोजीकार्य गरिरहेको छ । भ्वाङभित्र जान निकै अप्ठ्यारो भएकाले उद्धार गर्न कठिन भएको प्रहरीको भनाई छ।