बंगलादेशको राजधानी ढाकामा शनिवार विहान भिषण आगलागी भएको छ। एक सपिङ सेन्टरमा भएको आगलागीमा हजारौं पसल जलेका छन्।

‘न्यूमार्केट र ढाका कलेजको बीचमा रहेको सपिङ सेन्टर ‘न्यू सुपरमार्केट’ को दोस्रो तलामा बिहान करिब पौने ६ बजे आगलागी भएको थियो। आगो अन्य तलामा पनि तिव्र गतिमा फैलिएको संचार माद्यमहरुले वताएका छन्।

आगो निभाउन सेना, नौसेना र वायुसेनाको टोलीले परिचालन गरिएको थियो। स्थानीय सञ्चारमाध्यमका अनुसार आगो नियन्त्रणका लागि ‘बोर्डर गार्ड बंगलादेश’ को १२ प्लाटुन र २८ वटा दमकल परिचालन गरिएको थियो।

आगलागीको कारण खुल्न नसकेको र हालसम्म कुनै मानवीय क्षति नभएको दमकलका सहायक उपनिर्देशक शाहजहान सिकदारले बताए। ग्यास सिलिन्डर पड्केर, खराब वातानुकूलित र खराब विद्युतीय तारका कारण भवनमा आगलागी र विस्फोट भई बंगलादेशमा निकै आगलागी हुने गरेको छ।

गत महिना मध्य ढाकाको एक बजारमा भएको विस्फोटमा कम्तीमा २३ जनाको मृत्यु भएको थियो। ग्यास लाइनमा भएको गडबडीले उक्त विस्फोट भएको थियो।