केयलिन एमबापे शनिबार पेरिस सेन्ट जर्मेन (पीएसजी) का लागि सर्वाधिक गोल गर्ने खेलाडी भएका छन् । फ्रान्सेली लिग वानमा लेन्सलाई हराउन गरेको गोलका कारण उनले किर्तिमान वनाएका हुन।

उनको कीर्तिमानी गोलको मदतले पीएसजीले दस खेलाडीमा सीमित लेन्सलाई ३–१ ले हरायो । यो जितले पीएसजी शीर्ष स्थानमा पाँच अंकले अगाडि रह्यो । एमबापेले ३१ औं मिनेटमा गोलको खाता खोले र यो उनको १ सय ६९ लिग खेलमा १ सय ३९ औं गोल हो ।

यस क्रममा उनले एडिसन कभानीलाई उछिनेका हुन् । पीएसजीको ३१ खेलबाट ७२ अंक भएको छ भने दोस्रो स्थानमा रहेको लेन्स समान खेलबाट ६३ अंकमै रह्यो । 

लिगको शीर्ष २ बीचको महत्वपूर्ण खेलमा मिडफिल्डर अब्दुल समेद १९औँ मिनेटमा रातो कार्ड खाँदै मौदान छाडेपछि लेन्स १० खेलाडीमा समेटिएको थियो। पीएसजीका लागि ३७औं मिनेटमा भिटिन्हा र ४०औं मिनेटमा एम्बाप्पेको पासमा लियोनल मेस्सीले गोल गरे। ६०औं मिनेटमा लेन्सका प्रजेमिस्लाव फ्रान्कोस्कीले पेनाल्टीमा गोल गरे। 

गएरातिकै अर्को खेलमा रेन्सले रिम्सलाई ३–० गोल अन्तरले नै हराएको छ।