अहमदावादस्थित नरेन्द्र मोदी स्टेडियममा जारी भारतको चर्चित क्रिकेट लिग ‘इन्डियन प्रिमियर लिग (आईपीएल)को १६ औं संस्करण’को शनिवार राती भएको खेलमा लखनउ सुपर जायन्ट्सले विजयी सुरुआत गरेको छ ।

घरेलु मैदानमा भएको खेलमा लखनउले दिल्ली क्यापिटल्सलाई ५० रनले पराजित ग¥यो। लखनउले दिएको १९४ रनको लक्ष्य पछ्याएको दिल्लीले २० ओभरमा ९ विकेट गुमाएर १४३ रन मात्र बनायो ।

दिल्लीका लागि कप्तान डेविड वार्नरले ४८ बलमा ७ चौका प्रहार गर्दै सर्वाधिक ५६ रन बनाए भने राईली रुसोले ३० रन जोडे । लखनउका लागि मार्क उडले ४ ओभरमा १४ रन खर्चेर सर्वाधिक पाँच विकेट लिए । आभेष खान र रवि बिष्नोइले समान दुई÷दुई विकेट लिए ।

त्यसअघि टस हारेर पहिले ब्याटिङ गरेको लखनउले २० ओभरमा ६ विकेट गुमाएर १९३ रन बनाएको थियो । लखनउका लागि ओपनर कायल मेयर्सले ३८ बलमा २ चौका र ७ छक्काको मद्दतमा सर्वाधिक ७३ रन बनाए ।

निकोलस पुरनले २१ बलमा २ चौका र ३ छक्काको सहयोगमा ३६ रन जोडे । आयुष बदोनीले ७ बलमा १८ रन बनाए । दिल्लीका लागि खलिल अहमद र चेतन साकरियाले दुई÷दुई तथा अक्षर पटेल र कुलदिप यादवले समान एक÷एक विकेट लिए । 
 

आईपीएल