मेडिकल ब्यवसायी दुर्गा प्रसाईले नेपाली कांग्रेसका महामन्त्री गगन थापाले कांग्रेस फुटाएर राष्ट्रिय स्वतन्त्र पार्टीसँग एकिरण गर्ने भविष्य वाणी गरेका छन्।

केही दिनअघि एउटा टेलिभिजनलाई अन्तरवार्ता दिने क्रममा उनले रास्वपा गगन थापाले जन्माएको पार्टी भएको दावी गर्दै केही समयपछि उनी स्वयम त्यो पार्टीको अध्यक्ष वन्ने खुलासा गरे।

‘यो पार्टी (रास्वपा) त गगन थापाले खोलाएको पार्टी हो’ प्रसाईले भनेका छन्–‘अन्तिममा नेपाली कांग्रेस फुटाएर गगन थापा पार्टी अध्यक्ष हुन्छन। पार्टी एकिकरण गरी रास्वपाको पार्टी अध्यक्ष हुन्छन।’

रास्वपाको अध्यक्ष वनेपछि गगन थापा अव अर्को पल्टको प्रधानमन्त्रीको च्याखेमा वस्ने पनि उनको दावी छ। अन्तरवार्ताका क्रममा उनले स्वर्णिम वाग्लेलाई गगन थापाका गुरुको संज्ञा दिएका छन्। ‘स्वर्णिम वाग्ले एमसीसी पास गराउने मान्छे हुन, गगन थापाका गुरु’ उनी भन्छन्–‘देशमा स्वास्थ्य शिक्षा सिद्याउने र टेन प्लस टु भन्दा माथिका मान्छे विदेश पठाउने भनेका यिनीहरु हुन।’
 

दुर्गा प्रसाई गगन थापा