पोखरा महानगरपालिका–१८ मा ३० वैशाखमा भएको स्थानीय तहको चुनावको वडाध्यक्ष पदको पुनः मतगणना हुने भएको छ। उच्च अदालत पोखराले त्यहाँको पुनःमतगणना गर्न आदेश दिएको छ।

कामु मुख्य न्यायाधीश डिल्लीराज आचार्य र ऋषिराज भण्डारीको संयुक्त इजलासले वैशाख २० गते पुनः गणना गर्न फैसला गरेको हो। उच्च अदालतकै रोहवरमा पुनः मतगणना गर्न आदेश भएको अधिवक्ता सुरेन्द्र थापामगरले जानकारी दिए ।

मतगणनामा ३ मले पराजित एमाले उम्मेदवार पुस्कलबहादुर थापाले पुनः मतगणनाको माग गर्दै उच्च अदालतमा निवेदन दिएका थिए । थापाले आफू ९ मतान्तरले विजयी भएको भन्दै निवेदन दर्ता गराएका थिए।

त्यहाँ कांग्रेसका शिवप्रसाद तिमिल्सिना ३ मतले विजयी भएका थिए। निर्वाचन अधिकृतको कार्यालयले शिवले १६ सय ४३ र पुस्कलबहादुर थापाले १६ सय ४० मत ल्याएको घोषणा गरेको थियो ।