फरार रहेका नेकपा (एमाले) का सचिव एवम् सांसद टोपबहादुर रायमाझीलाई पक्राउ गर्न प्रहरीले उनका हलकाराको खोजी सुरु गरेको छ। रायमामझी बिरामी भएको भन्ने व्यहोराको पत्र संसद् सचिवालयमा कसले पु¥यायो ? भन्ने विषयमा प्रहरीको अनुशन्धान अघि वढेको छ। 

हलकाराको पहिचान गर्न प्रहरीले संसद् सचिवालयबाट सीसीटिभी फूटेज लिएको छ । नक्कली भुटानी शरणार्थी बनाएर ठगी प्रकरणमा नाम मुछिएर पक्राउ पुर्जीसमेत जारी भएपछि रायमाझी फरार छन। 

नेपाल प्रहरीको सीआईबी टोलीले उक्त कार्यका लागि सहयोग माग्दै संसद् सचिवालयलाई पत्र लेखेको र सीसीटीभी फुटेज पनि लगेको जनाईएको छ। अर्घाखाँचीबाट प्रतिनिधिसभा सदस्य रहेका रायमाझी १० दिनदेखि फरार छन् । तर, उनी फरार रहेकै बेलामा वैशाख २५ गते संसद् सचिवालयमा ‘बिरामी’ भएर संसद्मा उपस्थित हुन नसकेको भन्ने व्यहोराको पत्र पठाएका थिए । 

वैशाख २५ गते रायमाझीका सहयोगीले सभामुख देवराज घिमिरेको कार्यकक्षमा गएर उनी बिरामी भएको पत्र बुझाएर सिंहदरबारबाट निस्किएका थिए । ती व्यक्ति को थिए भन्ने पहिचानका लागि सिआइवीले सिसिटिभी फुटेज लिएर गएको हो । सिआइबीले अनुसन्धानका लागि संघीय संसद् सचिवालय प्रवेशस्थल, सभामुखको सचिवालय आसपास कभर गर्ने सिसिटिभी फुटेज लगेको हो । 

संवैधानिक व्यवस्था अनुसार बिना जानकारी १० वटा प्रतिनिधि सभाको बैठकमा अनुपस्थित भएमा सांसद पद जाने व्यवस्था रहेको छ । फरार भएका कारण संसद् बैठकमा उपस्थित हुन नसक्ने भएपछि सांसद पद जोगाउन रायमाझीले सहयोगी मार्फत आफू बिरामी भएकाले संसदमा उपस्थित नसकेको पत्र पठाएका थिए । 

भुटानी शरणार्थी