सीके राउत नेतृत्वको जनमत पार्टीका दुई सांसदको पद धरापमा परेको छ। पार्टीले सांसदबाट फिर्ता वोलाउने निर्णय गरेपछि सोनु मर्मुर र विनिता सिंहको पद धरापमा परेको हो।

काठमाडौंको तपोवनमा शुक्रवार सकिएको केन्द्रीय समिति बैठकले समानुपातिक तर्फका सांसदहरु मुर्मुर र सिंहलाई फिर्ता वोलाउने निर्णय गरेको एक केन्द्रिय सदस्यले वताए ।

उनीहरुमाथि पार्टीको निर्णय पालना नगरेको आरोप छ। केन्द्रीय समिति बैठकले मुर्मुर र सिंहलाई फिर्ता बोलाउने निर्णय सर्वसम्मत रुपमा पारित गरेको ती केन्द्रिय सदस्यले वताए ।

मुर्मुरले पार्टीको निर्णय बिपरीत आफ्नै श्रीमानलाई स्वकीय सचिव राखेको र सांसद सिंहको भने संसदीय भूमिका प्रभावकारी नभएको निष्कर्ष बैठकले निकालेको छ । जनमतले यी सांसदहरुलाई फिर्ता बोलाउनेगरी संसदीय दलले प्रक्रिया अगाडि बढाउने भएको छ ।