पूर्व प्रधानमन्त्री बाबुराम भट्टराईले पहिलो पटक भारतको विरोध गरेका छन्। भारतले आफनो नयाँ संसद भवनमा अखण्ड भारतको नक्सा राख्दै कपिलबस्तु र लुम्विनीलाई पनि भारतीय भुमी सरह देखाउन खोजेपछि भट्टराईले त्यसको विरोध गरेका हुन।

भारतीय प्रधानमन्त्री नरेन्द्र मोदीले हालै उद्घाटन गरेको संसद भवनमा अंकित भित्तेचित्रमा अंकित भौगलिक पहिचानप्रति चासो व्यक्त गरेका छन् । उनले नेपाली भूमि लुम्बिनी र कपिलवस्तुलाई नै भारतीय भूमि झै उल्लेख गर्ने विषयले दुई देशका बिचमा आपसी कुटनीतिक सबन्धमा दरार आउने सक्ने चेतावनी समेत दिएका छन् ।

‘भारतको भर्खरै उद्घाटन गरिएको नयाँ संसद भवनमा ‘अखंड भारत’ को विवादास्पद भित्ते चित्रले नेपाललगायत छिमेकीमा अनावश्यक र हानिकारक कूटनीतिक विवाद निम्त्याउन सक्छ’ उनले भनेका छन्–‘यसले भारतका निकटतम छिमेकीहरू बीचको द्विपक्षीय सम्बन्धलाई पहिले नै बिगार्ने विश्वासको घाटालाई अझ बढाउने सम्भावना छ।’

भित्तिचित्रको वास्तविक अभिप्राय र प्रभावलाई समयमै खोलेर भारतीय राजनीतिक नेतृत्वले यसलाई सञ्चार गर्नु बुद्धिमानी हुने उनको भनाई छ।