प्युठानको भिंग्रीमा स्वर्गद्वारी दर्शन गरेर फर्किदै गरेका तिर्थयात्री चढेको जीप दुर्घटनामा घाईते आठै जनाको मृत्यु भएको छ।

गम्भीर अवस्थामा जिल्ला अस्पताल बिजुवार पु¥याएका उनीहरुलाई चिकित्सकले मृत घोषणा गरेका छन्। मृत्यु हुनेमा चार बालबालिका, दुई महिला र दुई पुरूष रहेको डिएसपी सुवास खड्काले बताए।

दुर्घटनामा परेका मध्य दाङको लमही नगरपालिका वडा नं. ५ का तारा कुमालको मात्रै पहिचान भएको छ। प्यूठानबाट दाङ तर्फ आउँदै गरेको लु १ च ६३४५ नम्बरको जीप स्वर्गद्वारी नगरपालिका–४ भिंग्रीको घुम्तीमा पौने ४ बजे दुर्घटनामा परेको थियो। 

जीप करिब ४५ मिटर तल रोडमा आएर बजारिएकाकाले मानवीय क्षति भएको डिएसपी खड्काले बताए। तीब्र गतिको जीप घुम्तिमा अनियन्त्रित भई दुर्घटनामा परेको आशंका गरिएको छ।