अर्कैसँग केटासँग लसपस रहेको थाहा पाएपछि तनहुँमा एक युवकले श्रीमतीको हत्या गरी बोरामा हालेर फ्यालेको खुलेको छ।

श्रीमती २२ वर्षिया रंगिला भुजेलको हत्या आरोपमा श्रीमान भानु नगरपालिका–५ मैबल घर भई व्यास नगरपालिका–४ मा डेरामा बस्ने २० वर्षीय मनोज विष्टलाई पक्राउ परेका छन् ।

यास–१२ माइती भएकी श्रीमतीको अर्कै प्रेमी रहेको थाहा पाएका मनोजले गत शुक्रबार डेरामै घाँटी थिचेर हत्या गरेका थिए। पहिला मुड्कीले हानेर सिथिल वनाएरपछि घाँटी थिचेर हत्या गरेको बयान उनले प्रहरीलाई दिएका छन्।

हत्यापछि बोरामा हालेर श्रीमतीको शव व्यास–४ चिहानडाँडा नजिकैको नालामा फ्याँकेका थिए। हात बाँधिएको अवस्थामा बोराभित्र रंगिलाको शव फेला परेको छ। मंगलबार बिहान स्थानीयले गन्ध आएको थाहा पाएपछि फेला पारेका थिए। 

अनुसन्धानको क्रममा मृतकको पहिचान खुलेसँगै श्रीमान मनोजलाई पक्राउ गरिएको प्रहरीले जनाएको छ।