५४ लाखको अवैद्य सुन बोकेर बसमा यात्रा गरिरहेका २२ वर्षिय एक युवकलाई प्रहरीले पक्राउ गरेको छ। मकवानपुरको हेटौँडा–१५, रातोमाटे ति युवक पक्राउ परेका हुन।

जिल्ला प्रहरी कार्यालय मकवानपुरले सुनसहित वीरगन्ज महानगरपालिका–१६ का किसन साहलाई पक्राउ गरेको हो। विशेष सूचना पाएपछि खटिएको प्रहरीले आज बिहान करिव ३ बजे उक्त सुन बरामद गरेको हो।  

प्रहरीले रातोमाटे चेकपोस्टमा यात्रुवाहक बसका यात्रु चेकजाँच गर्ने क्रममा ५६१.३० ग्राम सुनसहित साहलाई पक्राउ गरेको हो। प्रदेश २–०३–००१ ख ०१५९ नम्बरको बसमा सवार उनले जुत्ताको नोकभित्र सुन लुकाएर राखेका थिए।

सुनसहित साहलाई नियन्त्रणमा लिएर थप अनुसन्धान अगाडि बढाइएको मकवानपुर प्रहरीले जनाएको छ।