चार पार्टी मिलाएर समाजवादी मोर्चा घोषणा हुँदै, उपेन्द्रका कारण बाबुराम रिङ आउट
सरकारमा रहेका तीन दल नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र नेपाल कम्युनिस्ट पार्टी मिलेर आज समाजवादी मोर्चाको घोषणा हुँदैछ ।
मोर्चाका नेपाल समाजवादी पार्टीका अध्यक्ष डा. बाबुराम भट्टराईलाई भने बाहिरै रहने निश्चित जस्तै छ । जसपा अध्यक्ष उपेन्द्र यादवले बाबुराम भट्टराई मोर्चामा सहभागी भए आफु नरहने अडान राखेपछि नेसपाको मोर्चामा सहभागिता अनिश्चित भएको हो।
चार पार्टी मिलेर बन्ने समाजवादी मोर्चा तेस्रो निर्णायक शक्ति बन्नेछ । मोर्चामा सामेल हुने माओवादी केन्द्रसँग ३२, जसपासँग १२ र नेकपा एसको १० सिट छ । पुष्पकमल दाहालले समाजवादी मोर्चामा नेसपा अध्यक्ष भट्टराई र एमाले छाडेर नेकपा एकता अभियान चलाइरहेका वामदेव गौतम पनि सामेल हुने बताएका थिए ।
तर, तत्काल घोषणा हुने मोर्चामा बाबुरामको नेसपा र वामदेवको अभियान सहभागी हुने टुंगो लागेको छैन ।
