राष्ट्रिय स्वतन्त्र पार्टीका सभापति रवि लामिछानेल असार ७ गते ७७ वटै जिल्लामा ७७ पटक घण्टी बजाउन कार्यकर्तालाई उर्दी जारी गरेका छन्। आफ्नो पार्टीको स्थापनाको एक वर्ष पुगेको उपलक्ष्यमा उनले घण्टी बजाउन उर्दी जारी गरेका हुन।

लामिछानेले उक्त दिन साँझ ७ बजे सात प्रदेश र ७७ जिल्लामा एकसाथ ७७ पटक  आफ्नो घरमा, मन्दिरमा, आफू काम गर्ने कार्यालयमा घण्टी बजाउन आह्वान गरेका छन्। उनले घण्टी बजाएको भिडियो सामाजिक सञ्जालमा ह्यासट्याग ‘बज्यो घण्टी’ राखेर पोस्ट गर्न आग्रह गरेका छन्। 

‘ह्यासट्याग बज्यो घण्टी, ह्यासट्याग अब दुईतिहाइ राखेर पोस्ट गर्नुहुन म हार्दिक अनुरोध गर्दछु’, उनले भनेका छन्। 

गत वर्ष ७ असारमा रास्वपा गठन भएको थियो। ०७९ मंसिर ४ गते भएको प्रतिनिधिसभा निर्वाचनमा रास्वपाले प्रत्यक्ष र समानुपातिक गरी २० सिट जितेको थियो। ०८० मा भएको उपचुनावमा पनि सिट थपेसँगै उसको सिटसंख्या २१ पुगेको छ।
 

रवि लामिछाने