आईसीसी एकदिवसीय क्रिकेट विश्वकप छनोट प्रतियोगितामा अमेरिकाविरुद्धको दोस्रो खेलमा नेपालले एक सय रन कटाएको छ।

२ सय ८ रनको लक्ष पाएको नेपालले २ विकेटको क्षतिमा सो स्कोर पार गरेको हो । नेपालका लागि अहिले भीम सार्की र रोहित पौडेल खेलिरहेका छन् । यसअघि कुशल भुर्तेल र आसिफ शेख क्रमशः ३९ र १२ रन बनाएर आउट भएका थिए । 

ओपनर कुशल भुर्तेल ४ चौका र १ छक्का हान्दै ३९ रनमा आउट भए भने पाचौं ओभरको अन्तिम बलमा ओपनर आशिफ शेख १२ रनमा सौरव नेत्रवल्करको बलमा एलबीडब्लु धरापमा परे ।

जिम्बाब्वेको ताकशिंगा स्पोट्र्स क्लबमा नेपालले टस जितेर फिल्डिङ रोजेपछि ब्याटिङ गरेको अमेरिका ४९ ओभरमा २०७ रन बनाउँदा अलआउट भएको थियो।