बुधबार दिउँसो चट्याङ पर्दा मदन भण्डारी राजमार्ग अन्तर्गत सिन्धुलीको दुधौलीमा दुई वटा कार पल्टिएका छन्। दुधौली नगरपालिका–४ मा कार पल्टिँदा ५ जना घाईते भएका छन्।

लक्ष्मीपुर र पचरुखीमा एकसाथ चटयाङ पर्दा उदयपुरतर्फ जाँदै गरेको वाग्मती प्रदेश वीएवी ५५३९ र प्रदेश ३– ०१–०३२ प ५८६० नं कारहरु अनियन्त्रित भई पल्टिएका स्थानीयले वताए। कार दुर्घटनामा घाईते भएकाहरुलाई उद्धार गरी सिन्धुली अस्पताल र काठमाडौं पठाइएको इलाका प्रहरी कार्यालय डकाहाले जानकारी दिएको छ।

सोही चट्याङमा परेर दुई जना स्थानीय पनि घाइते भएका छन् । उनीहरुको प्राथमिक स्वास्थ्य केन्द्र सिर्थौलीमा उपचार भइरहेको प्रहरीले जनाएको छ ।