ताप्लेजुङमा एक ब्यक्तिले चिर्पटले हानेर श्रीमतीको हत्या गरेका छन्। सिरिजङ्घा गाउँपालिका–३ सिकैचाका लक्ष्मण चाम्लिङ राईले दाउराको चिर्पटले हानेर श्रीमती निशा राईको हत्या गरेका हुन् । 

मादक पदार्थ सेवन गरेका राईले मङ्गलबार साँझ ३१ वर्षिया निशा लाई चिर्पटले हानेका थिए। उनको घटनास्थलमै ज्यान गएको जिल्ला प्रहरी कार्यालयका इन्स्पेक्टर कुशराम कार्कीले जानकारी दिए ।  

मापसे गरेका राईले घरमा श्रीमतीसँग झगडा गरेका थिए । झगडाकै क्रममा चिर्पट प्रहार गरेको खुलेको प्रहरीले जनाएको छ । लक्ष्मणलाई प्रहरीले नियन्त्रणमा लिएको छ ।