आईसीसी विश्वकप छनोटअन्तर्गत वेस्टइन्डिजविरुद्धको खेलमा नेपालले तेस्रो सफलता पाएको छ।

नेपालका लागि सन्दीप लामिछानेले १६ औं ओभरको तेस्रो बलमा ब्रान्डोन किङलाई बोल्डआउट गरेका हुन्। ब्रान्डोनले ४२ बलमा २ चौका र २ छक्काको मद्दतमा ३२ रन बनाएर आउट भए। 

यसअघिका दुई खेलमा कुनै विकेट विहिन भएका सन्दीपले वेष्ट इण्डिजविरुद्ध महत्वपुर्ण विकेट लिएका हुन्। यसअघि चौथो ओभरको पहिलो बलमा गुल्सन झाले जोनसन चाल्र्स र दोस्रो ओभरको तेस्रो बलमा करण केसीले केल मेयर्सलाई क्याचआउट गराएका थिए। 

चार्ल्स शून्य रनमै आउट भएका हुन्। केल १ रनमा आउट भएका हुन्।  वेष्ट इण्डिज २१ औं ओभरको खेल जारी रहँदा ३ विकेट गुमाएर १०० रन बनाएर खेलिरहेको छ।