पूर्व बैंकर अनिल केशरी शाह राष्ट्रिय स्वतन्त्र पार्टी (रास्वपा) मा प्रवेश गरेका छन्। बिहीबार आयोजित एक कार्यक्रमकाबीच उनी रास्वपामा प्रवेश गरेका हुन् ।

शाहलाई पार्टी सभापति रवि लामिछानेले दलको लोगो लगाइदिँदै स्वागत गरेका छन् । पार्टी प्रवेश गरेका शाहलाई प्रशिक्षण विभाग प्रमुखको जिम्मेवारी दिइएको छ । 
केन्द्रीय कार्यालयमा आयोजित पत्रकार सम्मेलनमा सभापति लामिछानेले शाहलाई प्रशिक्षण विभाग प्रमुखको जिम्मेवारी दिइएको जानकारी दिए ।

शाहले भने नेतृत्व विकासका लागि रास्वपामा प्रवेश गरेको बताएका छन् । रास्वपाले प्रशिक्षण विभाग प्रमुखसहित पार्टीमा स्वागत गरेपछि भएको पत्रकार सम्मेलनमा शाहले आफूले करियर निर्माणमा सिकेको सीप, क्षमता र योग्यतालाई यो पार्टीमा प्रयोग गर्न पाउने भएपछि राजनीतिमा आएको बताए ।

‘आजै यो पार्टीमा प्रवेश गरेको भन्ने होइन । केही समयअगाडि नै म प्रवेश गरेको हुुँ । नेतृत्व विकासका लागि म यो पार्टीमा आएको हुँ’ शाहले भने, ‘मैले ३०÷३१ वर्षमा सिकेकोे सीप, क्षमता देखाउन यहाँ पाउछु भनेर म प्रवेश गरेको छु ।’

बुधबार मात्रै बसुन्धाराबाट बनस्थलीमा केन्द्रीय कार्यालय सारेको रास्वपाको आज पार्टी स्थापनाको सन्दर्भमा संसदीय दल र केन्द्रीय समितिको संयुक्त बैठक बसेको छ ।
 

अनिल केशरी शाह