झापामा विहिवार प्रहरीले विवाहको मण्डपबाटै वेहुलालाई पक्राउ गरेको छ। सुनसरीको इटहरी–१९ का साजन चौधरीलाई प्रहरीले झापाको गौरादहबाट पक्राउ गरेको हो।

गौरादह–२ की एक युवतीसँग विवाह गरी वेहुली अन्माउने बेलामा पुगेको प्रहरीले चौधरीलाई पक्राउ गरेको इलाका प्रहरी कार्यालय दमले जनाएको छ। चौधरी वहुविवाहको कसुरमा पक्राउ परेका हुन।

श्रीमती हुँदाहुँदै दोस्रो विवाह गरेको भन्दै जेठी श्रीमतीको उजुरी दिएपछि प्रहरी विवाह स्थलमा पुगेको थियो। उनलाई प्रहरीले विवाहमण्डपबाटै उठाएपछि जन्तीको बिचल्ली भएको थियो। 

पक्राउ परेका चौधरीलाई इलाका प्रहरी कार्यालयमा राखेर थप अनुसन्धान गरिरहेको जनाईएको छ। कानुनले अपराध मानेपनि तराईमा बालविवाह, वहुविवाह र अनमेल विवाह रोकिएको छैन। दहेजको लोभमा वहुविवाह गर्ने प्रचलन ब्याप्त छ।

वहुविवाह