पछिल्लो समय नेपाली गीतसंगीतको वितरणमा पनि डिजिटल मार्केटले धेरै नै फड्को मारेको छ।

यही माद्यमबाट गीत संगीत र वेब सिरिज निर्माण र बजारीकरणमा बिगत देखि नै लागिरहेको एसियन म्युजिकले सोमबार मात्रै ‘आँसुको मूल्य’ गीत सार्वजनिक गरेको छ। 

लोकप्रिय गायक जितेन लेप्चाको स्वर, संगीत र सन वाङ योल्मोको शब्द रहेको गीतमा संजीव बराइलीको एरेन्ज रहेको छ । कविता नेपाली, सन वाङ योल्मो र प्रज्वलजंग कार्कीको अभिनय रहेको भिडियोलाई एसिएन म्युजिकको अफिसियल च्यानल मार्फत सार्वजनिक गरिएको हो।

युवा पुस्ताको प्रेम, प्रेमलिला र धोकालाई देखाउन खोजिएको भिडियोलाई बिभोर पोखरेलले निर्देशन गरेका हुन् । भिडियोमा मिलन शंकरको सिनेमाटोग्राफी र नहकुल खड्काको सम्पादन  रहेको छ । गीतलाई सबै डिजिटल प्लेटफर्म मार्फत पनि सुन्न सकिन्छ ।