पाकिस्तानमा शक्तिशाली बम विस्फोट हुँदा कम्तिमा २० को मृत्यु
पाकिस्तानमा आज शक्तिशाली बम विस्फोट हुँदा २० जनाको मृत्यु भएको छ भने ५० जनाभन्दा धेरै घाइते भएका छन् । उत्तरपश्चिम क्षेत्र बाजुर जिल्लास्थित कट्टरपन्थी राजनितिक तथा मुस्लिम नेताका समर्थकहरूको प्रदर्शनमा बम विस्फोट भएको हो।
जमियत उलेमा इस्लाम–फजल (जेयूआईएफ) का कार्यकर्ताहरूको ¥यालीको क्रममा विस्फोट भएको जनाईएको छ। विस्फोटमा मौलाना जमियत उलेमा इस्लाम–फजलका एक प्रभावशाली नेता मौलाना जिउल्लाह जानको मृत्यु भएको सञ्चारमाध्यम डनन्युजले जनाएको छ ।
विस्फोटमा घाइते भएकाहरूलाई उपचारका लागि नजिकका अस्पतालमा लगिएको छ । साथै घटनास्थलमा अहिले प्रहरीले कर्फ्यू लगाउनुका साथै सुरक्षा व्यवस्था कडा पारिएको अन्तर्राष्ट्रिय सञ्चारमाध्यमले जनाएका छन्।
