आफु नजिकका तिब्बतियन मुलका बेल्जियन नागरिक दावा छिरिङ सुन तस्करी प्रकरणमा पक्राउ परेपछि नेकपा माओवादी केन्द्रका उपमहासचिव वर्षमान पुन छटपटिएका छन्। उनले दावा छिरिङसँग आफनो कुनै सम्बन्ध नरहेको बताए ।

सरकारले सञ्चालन गरेको भ्रष्टाचार र अनियमितता विरोधी अभियानलाई अन्यत्रै मोड्ने नियोजित चलखेलका रुपमा आफ्नो नाम दावासँग मुछ्ने प्रयास भएको उनको टिप्पणी छ । आफ्नो गृहजिल्ला रोल्पा थवाङकी पार्टी कार्यकर्तासमेत रहेकी शहीद परिवारकी अमला रोकाले दावासँग विवाह गरेको र अमलाले आफूसँग चिनजान गराउन एकपटक डेरामा लिएर आएको प्रष्टीकरण पुनले दिए ।

‘दावा पक्राउ परेपछि आठ वर्ष पहिला भएको भेटघाटको समयमा खिचिएको सामूहिक तस्वीरलाई अहिलेको घटनासँग जोडेर प्रचार भयो,’ नेता पुनले भनेका छन्, ‘यो मेरो सार्वजनिक छविमाथिको आक्रमण र चरित्र हत्या हो ।’

सुन तस्करी प्रकरणलाई लिएर कतिपयले माओवादीका उपाध्यक्ष कृष्णबहादुर महरा, उपप्रधान तथा गृहमन्त्री नारायणकाजी श्रेष्ठ र आफ्नो नाम मुछ्ने प्रयास भएको भन्दै उनले सत्यतथ्य छानबिनको माग गरे ।

छानबिनमा दोषी देखिए आफू जस्तोसुकै सजाय भोग्न तयार रहेको उनको भनाई छ। उनले नाम जोडिएका सबैबारे छानबिन गर्न प्रहरीको अपराध अनुसन्धानमा विज्ञ टोली, संसदीय समिति वा विशेष समिति बनाउन पनि माग गरेका छन् ।

पुनले यस्ता प्रकरणमा मुछिएको पुष्टि भए पार्टी र सरकारले कसैलाई पनि उन्मुक्ति दिन नहुनेमा जोड दिए । 

यो पनि,

• कस्ले ल्यायो २ महिनामै ७५० किलो सुन, सुन भएको कार्टुन चिन्न ‘विच्याटको बारकोड’
• क्विन्टल सुन तस्करीमा मुछिएका व्यापारी अडुकिया भगाउन गृहमन्त्रीकै मिलेमतो
• १ क्विन्टल सुन प्रकरणमा पनि यसरी जोडियो बालकृष्ण खाणको नाम
• सय किलो सुन प्रकरणमा भन्सार प्रमुख अनुसन्धानमा, २ महिने विदा मागेर सम्पर्क विहिन
• सुन तस्करीमा अर्का ब्यापारी जोडिए, छद्म नाममा तस्करी गरेको आशंका
• वर्षमा २१२ पटक यूएई र हङकन गएका थिए सुन तस्करीका आरोपी
• को हो १ क्विन्टल सुनको मालिक? अडुकियासहित केही ठुला ब्यापारी सम्पर्क विहिन
• संसदमा सुनिल शर्माको स्टन्टः सुन काण्डको अनुशन्धान प्रभावित पार्न अनसनको धम्की
• सुन तस्करी प्रकरणमा एमालेले कृष्णबहादुर महराका बाबुछोरालाई जोड्यो, संसदमा नारावाजी

वर्षमान पुन सुन तस्करी