नेकपा एकिकृत समाजवादीका अध्यक्ष माधवकुमार नेपाल समाजवादी मोर्चाको संयोजक भएका छन्।

मोर्चाको आज वसेको वैठकले अध्यक्ष नेपालको संयोजकत्वमा आगामी नीति र आचारसंहिता बनाउनका चार सदस्यीय कार्यदल गठन गरेको छ । कार्यदलले बैठकको अध्यक्षताको मोडालिटी, मार्चाको आगामी नीति तथा कार्यक्रम र आचारसंहिता बनाउने जनाईएको छ।

कार्यदलमा एकीकृत समाजवादीकै उपाध्यक्ष रमेश हमाल, नेकपा माओवादी केन्द्रका महासचिव देव गुरुङ, जनता समाजवादी पार्टीका नेता राजेन्द्र श्रेष्ठ र नेकपा नेता खड्गबहादुर विश्वकर्मा सदस्य छन् ।

कार्यदलले मोर्चाको आगामी नीति र आचारसंहिता तय गर्ने नेकपा एसका नेता राजेन्द्र पाण्डेले बताए ।

मोर्चाको अर्काे बैठकले अध्यक्षताका सन्दर्भमा मोडालिटी नबनाउँदासम्म नेकपा एसका अध्यक्ष माधव नेपालले बैठकको अध्यक्षता गर्ने बताए । मोर्चा गठन भएको २३ दिनपछि शनिवार पहिलो वैठक वसेको हो।

मोर्चाका एक नेताका अनुसार हरेक ६ महिनामा मोर्चाको अध्यक्ष दल अनुसार फेरिने छ। ६–६ महिनामा अध्यक्ष गर्ने व्यक्ति परिवर्तन हुने नीति २७ गतेको बैठकले तय गर्ने उनले बताए । सोही वैठकले सातै प्रदेशमा कार्यक्रम गर्ने मिति समेत घोषणा गर्ने जनाईएको छ। 
 

समाजवादी मोर्चा