भारतको पश्चिमी गुजरात राज्यमा शुक्रवार रोकिराखेको ट्रकमा बस ठोक्किदा ३ बालवालिकासहित १० जनाको मृत्यु भएको छ। मृत्यु हुनेमा ५ महिला छन्।

घट्नामा १३ जना घाइते भएको स्थानीय प्रहरी अधिकारीले बताएका छन्। अहमदाबाद जिल्लाको बाभला–बगोदरा राजमार्गमा रोकी राखेको ट्रकमा यात्रुवाहक बस ठोक्किएपछि सो दुर्घटना भएको हो।

नजिकैको जिल्लामा धार्मिक कार्यक्रममा सहभागी भई फर्कने क्रममा चालक निदाएपछि यात्रुवाहक बस ट्रकसँग ठोक्किएको प्रहरीले अनुमान छ।

प्रधानमन्त्री नरेन्द्र मोदीले दुर्घटनामा ज्यान गुमाउनेप्रति गहिरो दुःख व्यक्त गर्दै प्रत्येक मृतकका आफन्तलाई दुई लाख भारतीय रुपैयाँ क्षतिपूर्ति दिने घोषणा गरेका छन्।