प्रधानन्यायाधीश विश्वम्भरप्रसाद श्रेष्ठको शपथ ग्रहण समारोहमा निम्तो नपुगेपछि उपसभामुख इन्दिरा राना अनुपस्थित भएकी छिन्।

आफूलाई निम्तो नआएकाले नगएको रानाले बताइन्। राष्ट्रपति कार्यालयले नबोलाएको भन्दै रानामगरले असन्तुष्टि जनाएकी छन् ।

राष्ट्रपति रामचन्द्र पौडेलले अपराह्न ४ बजे शीतल निवासमा श्रेष्ठलाई शपथग्रहण गराउने कार्यक्रम थियो। यसअघिका शपथहरुमा राष्ट्रपति कार्यालयले उपसभामुखलाई बोलाउने प्रचलन थियो ।

‘यसपटक चिठी आएको छैन,’ सिंहदरबारस्थित कार्यकक्षमा रहेकी उनले भनिन्,‘मन्त्रीहरुको शपथमा समेत औपचारिकरुपमा बोलाइन्थ्यो । यसपटक भने प्रधानन्यायाधीशको शपथ कार्यक्रममा चिठी आएन, बोलाए भने जाने हो । नबोलाइत किन जानु ।’

उपसभामुख संवैधानिक परिषद्को सदस्यसमेत हुन् ।