आईतबारदेखि वेपत्ता भएका सेनाका गुल्मपति अझै सम्पर्कविहिन, गाडी रिजर्व गरेर कहाँ गए ?
आइतबारदेखि सम्पर्कविहीन नेपाली सेनाका गुल्मपति विमल पण्डित अझै भेटिएका छैनन्। डोल्पा सदरमुकाम दुनैस्थित नेपाली सेनाको नन्द बक्स गुल्मबाटै उनी वेपत्ता भएका हुन।
नेपाली सेनाका प्रवक्ता कृष्णप्रसाद भण्डारीका अनुसार पण्डितले दुनैबाट त्रिपुराकोटका लागि गाडी रिजर्भ गरेको खुलेको छ। त्यसपछि भने उनको मोबाइल सम्पर्क टुटेको उनले बताए।
आइतबार अपराह्न इभिइनिङ वाकमा जाने भन्दै ब्यारेकबाट निस्किएका सेनानी पण्डितको खोजी जारी छ। उनले आफ्ना सुरक्षा गार्डलाई पनि बीचबाटै फर्काइदिएका थिए। त्यसपछि उनले त्रिपुराकोटसम्मका लागि गाडी रिजर्भ गरेको पाईएको छ।
उनको खोजीमा नेपाल प्रहरी, नेपाली सेना सशस्त्र प्रहरी बलको टोली खटिएको छ।
