सिप्रदी ट्रेडिङ्ग प्रालिले विक्रिवितरण गर्दै आएको टाटाको नेक्सन इभी कारमा ब्याट्रीको गुणस्तरलाई लिएर उपभोक्तामा ब्यापक गुनासो छ।

ब्याट्रीकै कारण यो गाडी खरिद गरेका धेरै उपभोक्ता पछुतो मानिरहेका छन् भने केही सस्तोमा भएपनि तत्कालै बेचेर तनाव मुक्त हुने योजनामा छन्। उनीहरुका अनुसार यो गाडीको ब्याट्री ड्यामेज हुने खतरा धेरै छ।

४२ देखि ४८ लाखसम्म पर्ने यो गाडीको ब्याट्री फेर्नु पर्दा ८÷९ लाख रुपैयाँ खर्च हुन्छ। तर, एकैछिन पनि पानीमा डुब्यो भने ब्याट्री ड्यामेज हुने समस्या धेरै देखिएको प्रयोगकर्ताहरु वताउँछन्। केही समय अगाडि सिप्रदीले मगाएका गाडी भैरहवाको सोरुपमा राखिएको थियो। वर्षाका कारण सोरुममा राखिएका कतिपय गाडी पानीमा डुवेका थिए।

ती मध्ये ८ वटा गाडी ड्यामेज भएपछि भारत नै फिर्ता पठाईएको थियो। सिप्रदीले ड्यामेज भएका ८ वटा गाडीको इन्स्योरेन्स दावी गरेपछि पानीमा डुवेका कारण गाडी र ब्याट्री ड्यामेज भएको रहस्य वाहिर आएको थियो। त्यस वेला सिप्रदीले दावी गरेको मध्ये केही रकम इन्स्योरेन्स कम्पनीले ब्यहोरेको कम्पनीका ब्यवस्थापकले जानकारी दिए। 

यो प्रकरण वाहिर आएपछि उपभोक्ताहरु अझै तनावमा छन्। अर्कोतर्फ पफर्मेन्स एन्जाईटी (गन्तब्यमा पुग्ने÷नपुग्ने चिन्ता) ले गर्दा प्रेसर फिल गरेर यो गाडी सेकेन्ड ह्याण्डमा वेच्न खोज्नेको संख्या अहिले धेरै छ। टिकटक, हाम्रो बजार, मार्केट प्लेस लगायतका सामाजिक साईटहरुमा गाडी विक्रिका लागि राखिएका प्रचार सामग्रीले पनि उनीहरुको गुनासोलाई पुष्टी गर्न मद्दत गरिरहेको छ।

यो पनि,

• नीति निर्माण तहमा सिप्रदीको हस्तक्षेप, मन्त्री किनेर करका दर हेरफेर
• सिप्रदीको सर्भिस सेन्टरमा नै पड्कियो एक्साईडको ब्याट्री, यसरी बाँचे ईन्जिनियर

सिप्रदी